Drejtori ekzekutiv nga Instituti D4D, Shpend Emini, ka thënë se pjesëmarrja e grave në fuqinë punëtore vazhdon të mbetet shqetësuese, pasi shifrat tregojnë se numri i grave aktive në tregun tonë të punës është më i ulët krahasuar me vendet e rajonit dhe më gjerë.
Ai këto komente i bëri në aktivitetin e organizuara nga ky instituti, ‘Gratë bashkëmoshatare për zhvillim’, që kishte për qëllim që grave të reja t’u ofrohet mundësia të njihen për së afërmi me përvojën e grave të suksesshme në fusha të prodhimtarisë, ofrimit të shërbimeve dhe ndërmarrësisë.
Po ashtu me këtë rast u tha se stimulimet e ndryshme për aktivizimin e grave në tregun e punës që kanë promovuar shtetet e ndryshme duhet të promovohen edhe në Kosovë, në mënyrë që të nxisin mekanizma efektivë që të kontribuojnë në mirëqenien e grave dhe shoqërisë.
Martina Perino nga misioni i USAID, tha se gratë nuk duhet të ndalen para vështirësive të punësimit , ndërsa Linda Shala, zëvendëskryetare e Odës Ekonomike të Grave – G7, tha se përkundër diskriminimit të madh gjinor, gratë duhet të punojnë me përkushtim më të madh për mirëqenie të gjithë shoqërisë.
Të dhënat e fundit në Kosovë flasin se rreth 80.2% e grave janë joaktive në tregun e punës. Duke qenë jashtë punës, jo vetëm që pengohet zhvillimi ekonomik i përgjithshëm në vend, por kjo dëmton edhe pozitën e përgjithshme të gruas në shoqëri.
Nga hulumtimi i D4D-së vlen të theksohet për gratë që të jenë pjesë e tregut kërkohet që së pari të ketë trajtim të barabartë me burrat por edhe pagesa të njëjta për punë të njëjtë
KFOR-i publikon pamje nga stërvitja e qitjes me armë
“Reforma në drejtësi është angazhimi më i madh që prej vitit...
Përfundon shoqëria mes Mikelës dhe Efit, kjo e fundit tregon...
Suhareka mposht Prishtinën, Malisheva dhe Drita ndahen baras
Pjesë e trafikut ndërkombëtar të drogës, SPAK kërkon konfisk...
U vazhdohet masa e ndalimit edhe për 48 orë dy të dyshuarve ...